20% AFUNGUKA NA KUSEMA MANI WALTER ALISTAHILI TUZO.

     

Baada ya kushinda tuzo 5 za Kili Music Awards 2010/2011 na kuweka historia,amefunguka kuwa hakutegemea kama angeshinda tuzo zote 5 kwenye vipengele ambayo ameshiriki!  

"Sikutegemea kama ningepata tuzo hizo zote 5 kwani nilitegemea tuzo 2 kiuhakika....ya wimbo Bora wa Afro Pop na Mtunzi Bora wa Nyimbo,ila kushinda tuzo ya Msanii Bora wa Kiume,Muimbaji Bora wa Kiume na Wimbo Bora wa Mwaka - Tamaa Mbaya,kiukweli sikutegemea kabisa" 

Kuhusu Producer wake Man Water wa Combination Sound aka Combinenga kutopata tuzo ya Mtayarishaji/Producer Bora wa Muziki-2010,20% amesema kuwa Man Water alistahili coz kama yeye amepata tuzo zote 5 kupitia nyimbo ambazo Man Water amezitengeneza za Malumbano na Tamaa Mbaya,lakini tuzo imeenda kwa Producer Lamar toka FishCrab Studio haiko sawa kabisa...alifunguka 20% akiwa njiani kurejea Dar na akiwa kwenye basi akirudi,nyimbo zake ndio zilikua zinapigwa njia nzima bila hata ya kuwaambia wenye basi

20% amechukua tuzo hizo kupitia vipendele vifuatavyo;

1.Tuzo ya Mtunzi Bora wa nyimbo - 2010

2.Tuzo ya Wimbo Bora wa Afro Pop - Tamaa Mbaya

3.Tuzo ya Mwimbaji Bora wa Kiume - 2010

4.Tuzo ya Wimbo Bora wa Mwaka 2010 - Tamaa Mbaya

5. Tuzo ya Msanii Bora wa Muziki wa Kiume - 2010